Alles Kann Ich Ligge Songtext

Bläck Fööss

von Rheinhotel

Alles Kann Ich Ligge Songtext
De Hebamm saat: Jung et is esu wigg.
Nää denke ich, och et hät noch Zick.
Ich drieh mich nochens in d'r Fruchtblos öm,
do spür ich en ieskale Zang am Kinn.
Un ich dach bei mir:
Bliev m'r doch vum Liev,
Alles kann ich ligge nur nit, wenn m'r mich driev.

De etste sechs Johr han ich durchjeschloofe,
bis mich dann de Konsequenze trofe.
Vun hück up morje von d'r Brus jenomme
un vill zo hastich an de Nüggel jezwunge.
Für dä Prozeß wor ich innerlich nit rief,
Alles kann ich ligge nur nit, wenn m'r mich driev.

Refrain:
Leck ens am Asch is och ene Danz,
dä de - wenn de wills - och im lieje danze kanns.
Noh jedem April kütt ald widder ne Mai
un im rubbedidupp is e Johr vorbei.

Ich moot em Jade Schnecke fange,
die sin mer immer all laufe jejange.
Motiviert wie ne naaße Schwamm
fing ich en Liehr als Naakswächter an.
Ävver dat wor mer doch zu arbeitsintensiv,
denn alles kann ich ligge nur nit, wenn m'r mich driev.

Refrain
Ich wor noch nit janz us de Wechseljohre,
dä, de eetste Millechzahn verlore.
Zilverhuuzick ming Frau saat: Mann,
ich mööt jetz langsam ens jet Kleines han.
Ich sach Baby, Baby, bliev mer domet doch vum Liev,
denn alles kann ich ligge nur nit, wenn mer mich driev.

Refrain

Leck ens am Asch is och ene Danz,
dä de - wenn de wills - och im lieje danze kanns.
Noh jedem April kütt at widder ne Mai
un im rubbedidupp is e Johr vorbei
un im rubbedidupp is et Levve vorbei
un im rubbedidupp is ald widder April.

(Thanks to HBN for these lyrics)
Drucken Songtext