Dä Henker Songtext

Do Kappesbuur mem Suv, dä Trecker steiht doheim
Luur, dä Plaatekopp me'm Hötsche op
Un en Kloroll hingedropp
Dat määt mich fäädich
Do weed ich wöödich
Wo han se dir d'r Führersching jeschenk

Eijentlich ben ich janz entspannt
Jot dropp, jemötlich, tolerant
Ävver sitz ich eimol hingerm Lenker
Fang ich aan, zo schänge wie e ne Henker
Ävver dat lit jarnit nur an mir
Luur dir die Poppeköpp doch aan
Manchmol jläuv ich, ich ben der einzije Mann
Dä wirklich autofahre kann

Doof Nuss, bereefter Mörder, fott vun minger Stroß
Affewürch, du Omma, nä; leeven Herjott, kumm, jeff Jas
Der schicke Stenz mem decken Benz
De Vorfahrt injebaut Ihr maat mich fäädich
Do weed ich wöödich
Wo hat ihr üch dä Führersching jekläut

Eijentlich ben ich janz entspannt
Vergnügt, vernünftig, tolerant
Ävver e bessje länger hingerm Lenker
Jo, dann weede ich zom Henker
Ävver dat lit jar nit nur an mir
Luur dir die dreckelige Sackjeseechtere doch aan
Ben ich he dä Stadt der einzije Mann
Der richtich autofahre kann

Sprit zo düür un kein Parklück; wat hät do jeblitz
Un jetz och noch en Fahrschull
met ener Frau om Fahrersitz
Nä, ich flipp he us, ich krich kein Luff
Jlich jeiht der Airbag op
Ich fahr die Dreckskarr einfach vür en Wand

Eijentlich bin ich janz entspannt
Janz ruhig, janz friedlich, tolerant
Nur hinger mingem Autolenker
Do weede ich zom Henker
Ävver dat litt üvverhaupt nit an mir
Luur dir de Luffpumpe doch ens aan
Dat litt do dran, dat he jo keiner richtich autofahre kann


(Dank an Flo für den Text)