De 5 Johreszigge Songtext

Bläck Fööss

von Uns Johreszigge

De 5 Johreszigge Songtext
De 5 Johreszigge (Bläck Fööss)
1.Wenn et Fröhjohr kütt, es de Kirmes nit wigg.
Övver Naach leis un höösch hat dä Schniemann, an dr Eck sich verdröck.
Un die Fetze jonn, met de Mädscher eruss.
Op de Kneen rötsch de Mamm beim Fröhjohrsputz durch et Huus
Alles hät sing Zick, Mädche, alles hät sing Zick.

2.Un am Summerdaach, knallt de Sunn op et Daach.
Ovends stellt mer de Stöhl vür de Düür un, bliev länger wach.
Op dr Autobahn, süht mer ein lange Schlang.
Jeder hät jo e Rääsch, op singen Urlaubswääch.
Alles bruch sing Zick, alles bruch sing Zick.

3.Wenn dr Hervssturm blöös, wet dr Daach schon jet koot.
Ovends bliev mer doheim, läuv op Schluffe, dat deit och ens janz jot.
Un in Much hat dr Buur, alles en singer Schüür,
un hä säät „Jott sei Dank, kei Firke wood krank“
alles hät sing Zick, jläuv mer, alles hät sing Zick.

4.Övver Naach is de Stroß, wie en Rötschbahn su jlatt.
Op dä Schnie un op Iis han uns Pänz schon, vill ze lang jewaad.
Un em Herd kraach et Füür, et Chresskind steiht vür dr Düür.
Dreimohl wees do noch wach, dann es hillije Naach
Alles hät sing Zick, Leevje, alles hät sing Zick.

5.Dann met einem Mol, weeded löstich un bunt.
Fastelovend es do, dä jetz nit mieh, länger waade kunnt.
För drei dolle Daach, weed dr Winter verjaach,
Ruusemondaach kütt flück, et Fröhjohr es nit mieh wigg
Alles hät sing Zick, alles hät sing Zick.

6.Wenn et Fröhjohr kütt, es de Kirmes nit wigg.
Övver Naach leis un höösch hat dä Schniemann, an dr Eck sich verdröck.
Un die Fetze jonn, met de Mädscher eruss.
Op de Kneen rötsch de Mamm beim Fröhjohrsputz durch et Huus
Alles hät sing Zick, Mädche, alles hät sing Zick.


(Dank an Bernd Rhein für den Text)
Drucken Songtext