Dr Noah Songtext

Lang ischs här da het mol eine öppis afa boue öppis wie ne grosse chaschte de lüt wo si cho gschoue hei ne gfragt was sel das gäh es Schiff het dise gseit aber sisch keis meer gsi und kei See dert wiit und breit Refrain: Und me begrifft das d'lüüt hei gseit däm Maa däm spinnts Und si hei d'chöpf ersch rächt gschüttlet wo das Schiff do später het e längi übercho gar vo drüühundert Meter füfzig Meter breiti drissig höchi und do noh sitlich i dr Wand e grossi Tüüre dri isch cho Refrain Und si hei ne gseh its Schiff näh Löie und Giraffe Nachtigalle Zebra Elefante Söi und Affe Schlange Chüe Rhinozeros Gazälle Dromedar Känguru und Kolibri vo allem gäng es Paar Refrain Und wo d'Tier si drin gsi isch är sälber de mit sine Söhn und sire Frou und sine Schwigertöchter ine d'Lüt hei sich versammlet und g'holleiet usse draa wo n'är hinter sich die grossi Tüüre zu het daa Refrain Aber druuf hets afa rägne wie no nie uf Ärde langsam het me d'fluet gseh schtige und gäng höcher wärde mau noh het dr Maa im Schiff ghört rüefe löht üs drii aber gli isch zäntume ne totestilli gsii