Schön Is Anders Songtext

Miljö

von Wolkestadt

Schön Is Anders Songtext
Ich sag et D'r janz ihrlich,
ich han do e Problem,
sick däm ich denke kann
fählt mer en janz bestimmtes Gen
Ich han su maanche Stärke,
ich maach jo och vill jod,
ävver Musik un Bewäje
zälle leider nit dozo

Do häs Rhythmus em Bloot,
ich han Bloothuhdruck
wo aand're Musikanteknoche han,
do han ich Luff
Ich weed immer jefrog:
“Herr, entschuldigen Sie!
Ist dat do noch Danz
oder schon Epilepsie?”

Un mer sing, sing,
singe un mer treffe keine Ton
schön is anders
wat kömmert uns dat schon
un mer spring', spring',
springe üverall nor nit em Tak
schön is anders doch dat es uns ejal

Manchem litt et en d'r Wiege
bei mir log leider nix
Ich han zwei linke Föß us Holz,
do helfe keine Tricks
Alles danz elejant
un jalant zo däm Beat
nur ich han Knöddel en dä Bein
un dä Rögge fies verdrieht
Drucken Songtext