Sempri Ccà
 Songtext

Sutta stu velu, sta luna, stu celu
Unni un mi scantu di ristari sulu,
c'è tuttu chiiddu ca mi fici omu,
c'e lu passatu, u prisenti, u futuru.

Ci su i tò occhi comu zotti di terra,
c'è a tò vuccuzza ca cu a vidi già sparra,
ci sunu i genti ca fanu la guerra,
c'è ccu talia a cu mentri travagghia.
I 'nnamurati ca fanu l'amuri,
quarcunu sulu ca chiangi e ca mori.
C'è ccu camina e un sapi unni iri,
ci sugnu iu ca scrivu canzuni.

Sempri ccà.... nni 'n' hama ghiri,
ma unni si va?

Ammenzu e carusi ca iocanu scazi
E unn'arricampanu mancu li spisi.
Davanti a stà porta ca iu grapu e tu 'ncasi Unni ci passu li iorna e li misi,
'nta stà vanedda di stu tò paisi
Unni restu cca fora senza pritisi,
c'è tuttu chiddu ca mi fici cristianu,
e ci si tu ca mi facisti celu
ci sunu i sonni di tutta la genti
'mmucciati comu curuna 'i rignanti
Ci su l'amuri, l'affanni li stenti
Intra un casciuni comu litura d'amanti
C'è lu tò nasu ca è punta di stidda
C'è la tò facci ca Diu fici bedda.
C'è tuttu chiddu ca un c'è a nuddi banni
Ca fa svariari li frevi e li sonni.

Sempri ccà.... nni 'n' hama ghiri,
ma unni, un si sa !


(Thanks to Mario Incudine for these lyrics)