Thirty-Foot Trailer Songtext

The auld ways are changin ye cannae deny The day o the traiveller's over There's naewhaur tae gang an there's naewhaur tae bide Sae farewell tae the life o the rover Goodbye tae the tent an the auld caravan Tae the tinker, the gypsy, the traivellin man An goodbye tae the thirty foot trailer Fareweil tae the cant an the traivellin tongue Fareweil tae the Romany talkin The buyin an sellin, the auld fortune tellin The knock on the door an the hawkin Ye've got tae move fast tae keep up wi the times For these days a man cannae daunder There's a bylaw tae say ye maun be on yer way An anither tae say ye can't wander Fareweil tae the besoms o heather an brume Fareweil tae the creel an the basket The folk of today they wad far sooner pay For a thing that's been made out o plastic The auld ways are passin an soon they'll be gone For progress is aye a big factor Its sent tae afflict us an when they evict us They tow us awa wi a tractor Fareweil tae the powny, the cob, an the mare The reins an the harness lie idle Ye don't need a strap when ye're breakin up scrap Sae fareweil tae the bit an the bridle Fareweil tae the fields whaur we've sweated an toiled At puin an shawin an liftin They'll soon hae machines an those travelling quines An their menfolk had better be shiftin