Unsere Stammbaum Songtext

Bläck Fööss

von Loss Mer Uns Verdrare

Unsere Stammbaum Songtext
Unsere Stammbaum Übersetzung
Ich wor ne stolze Römer,
koom met Caesars Legion,
un ich ben ne Franzuus,
koom mem Napoleon.
Ich ben Buur, Schreiner, Fescher,
Bettler un Edelmann, Sänger un Gaukler,
su fing alles aan.

Su simmer all he hinjekumme,
mir sprechen hück all dieselve Sprooch.
Mir han dodurch su vill jewonne.
Mir sin wie mer sin, mir Jecke am Rhing.
Dat es jet, wo mer stolz drop sin.

Ich ben us Palermo,
braat Spaghettis für üch met.
Un ich wor ne Pimock,
hück laach ich met üch met.
Ich ben Grieche, Türke, Jude,
Moslem un Buddhist,
mir all, mir sin nur Minsche,
vür'm Herjott simmer glich

Su simmer all he hinjekumme,
mir sprechen hück all dieselve Sprooch.
Mir han dodurch su vill jewonne.
Mir sin wie mer sin, mir Jecke am Rhing.
Dat es jet, wo mer stolz drop sin.

De janze Welt, su süht et us,
es bei uns he zo Besöök.
Minsche us alle Länder
triff m'r he aan jeder Eck.
M'r gläuv, m'r es en Ankara,
Tokio oder Madrid,
doch se schwade all wie mir
un sööke he ihr Glöck.

Su simmer all he hinjekumme,
mir sprechen hück all dieselve Sprooch.
Mir han dodurch su vill jewonne.
Mir sin wie mer sin, mir Jecke am Rhing.
Dat es jet, wo mer stolz drop sin.
Drucken Songtext