Sco Ti Songtext

Sco Ti Übersetzung
Jeu savevel ch’ins sappi rir e bargir el medem mument, ch’ins sappi star tier ina caussa ni semplamein mo cuorer naven, haver principis sils quals ins gnanc mira, esser cuntents e suenter in mument lu puspei ver la fuera. Jeu savevel ch’ei dat certs che dian mo manzegnas e dattan tut la cuolpa mo a Niessegner. Savevel che a biars para nossa veta damemia, bettan lu “trips” per cun quei “shit” curdar ora da nies schema. Oh epi datti gliemas che cloman mo ora, senza sedumandar suenter il pertgei e daco. Auters mo en casa senza pass viado. Il social contact reduciu sin in tgau ed hallo. Jeu hai viu il carstgaun sco el ei brutals ed ei nauschs, sco el ei piars e sa buc nua ir e drova in stausch. El ha aviert mes egls e muassau il mitgiert ed il bi, mo el ha buc detg a mi ch’ins sappi esser sco ti. Ins sa surfar, reclamar, tralaschar tut il bi, ver mal e stuer pitir. Ins sa ludar, gidar, salidar, selegrar, seplaccar, aber sa’ins esser sco ti? Jeu savevel ch’ins sa viver liber e senza quitaus, ni cun la nebla stgira trest en l’umbriva curdaus, renconuscher applaus e sustegn dil concarstgaun ch’ins tegn ault. Jeu hai sentiu ch’ei fa bein sch’ins pren la veta sco in sault. Hai empriu da perdunar, agens sbagls acceptar, luvrar, empruar da midar sesez e buc far cun quei termagls. Sun surstaus da veser ch’entras pura ignoranza il buordi vegn buc prius ver e cun quei munchentau ina schanza. Epi datti tips sco jeu che sesprovan e fan, e tuttenina sefan en da gnanc posseder in plan. Ei dat glieud che dattan tut ed aunc dapli che quei ch’ei han, stattan cheu cun mauns vits ed in minus sil conto da spargn. Cons piardan fidonza en Diu pertuccont il donn ch’ei han viu, naschiu in affon che teidla sin mintga clom tarladiu. Igl ei donn! Num da Diu. Hai da ton empriu, denton ch'ins sa esser sco ti gliez havess jeu mai cartiu. Refrain Jeu savevel ch’ins sappi manipular persunas, engular giu da crunas, raquintar plunas, far ord schliatas caussas bunas. Jeu hai viu ch’ins tegn caussas per sesez, autras lains curdar giu da pèz. Contas ga hai cuglienau memez? Jeu hai tertgau da saver e dad esser segirs, mo ch’ei ha purtau mei el ner e ch’jeu sesel el stgir. Uss ves’jeu dapli e quei schazeg’jeu aschi fetg ch’jeu selegrel sin niev „shit“. Jeu vevel miu bien cletg e savevel ch’ei couzi buc datier schi ditg. Jeu sai da biars ch’jeu hai emblidau, buc telefonau e schau davos mei sco pradas e prau. Memorias arvan serrau. Ed jeu piardel il tgau, sch’jeu patratgel empau vida Diu e giavel vargau e tgei che fuss stau sch’ins vess buc calau avon da far gliez puccau. Ed jeu savevel ch`ins sappi haver bien in cun l`auter, schliet in cun l`auter, ch’ins sappi far da pauper in cun l`auter, ch’ins sto en la veta esser precauts ed haver adatg per ch’ins vegni buc manipulaus d’enqual nausch e fis patratgs. Ed jeu savevel era ch’ei detti ina schliata atmosfera. Ed jeu savevel era ch’ei vegni mai pli sco ei era. Ed jeu savevel era ch’ins sappi mintgaton secuglienar, mintgaton sperel jeu era che nus entscheivien a ponderar. Refrain