Viva Songtext

Viva Übersetzung
Engraziel fetg, mumma e bab, per tut il bien che vus veis fatg, pertgei sch?jeu havess buc giu vus, fuss forsa oz in buob sfarfatg. Jeu sai conta pazienzia e gnarva ch?jeu hai custau, jeu hai buc bia schenghegiau, denton vus stagn e bein el cor serrau. Merci fetg a quels che prendan mei sco jeu sun, tuttina schi dian a mi ?spoon?, hey ti, ni tschadun. E tgei fagess jeu senza quels che consoleschan mei cu jeu hai schliet, gidan mei sul biet, stattan avon mei e peglian si il siet. A quels che jeu enconuschel bein ni mo dil veser in ?shake-hands?. A las ?bands? cun talent, als students e cunzun a nos ?fans?. Ed era sin tut quels che jeu enconuschel buc aulzel jeu miu glas, perquei ch?jeu crei buc che senza vus nies mund funcziunass. Sin tut quei ch?ei bi, plai a mi, schai a mi, sin gliez ed aunc sin bia dapli in viva. Sin la veta, sin la pézza, sin las schnettas, sin colegas, sin Pastgas, coolas fiastas in viva. Sin tut quei ch?ei bi, plai a mi, schai a mi, sin gliez ed aunc sin bia dapli in viva. Sin nus, sin vus, sin in na dus in viva. Sin bialas dunschalas. Sin bialas urialas collegialas che valan las lalas. Sin talas patiarlas che arvan ils egls ed engrondeschan il horizont per alas e slagan punts humanas lunsch suls cunfins da nossas valladas. Sin la Porta Alpina e tgi che semetta en per quala, pertgei nies futur survegn colur ina frenada internaziunala. Sin amur en favur dalla massa en general. Sin nus Romontschs, buns carstgauns e sin nus, las analas. In viva sin ils buns temps e sin il mal, sin esser cuntents e sil sal en la plaga, ch?ins sto schar tier, mo bu ch?el semaglia viaden sco la ruina el fier. Sin vegnir vitier da memez ed ir sur novs cunfins. Saver guder il ?pier? per sesez e veser la fin. Sin haver in fil e trer vinavon miu stil. Sin ch?ins sa ch?ins sesa sin igl agen tgil, e sa crear e far interessant il film. Ed esser cheu per in e l?auter, per pigns e paupers. Sin star ?cleans? sco aunghels. Sin mintgin ch?ei staunchels. Prender in tier in ed in suenter l?auter. E cun in e scadin e perfin cun tei jeu il glas aulzel. Refrain Igl ei legreivel da veser fatschas rientas, e sch?jeu patratgel vida sendas ch?jeu sun ius cun latg e marendas. In viva sin ch?jeu hai fatg fatschentas, ?jenes schnettas? ch?jeu relasch cuntentas. Jeu hai pasch cun stentas, scarpel si miu tgil per mintga ?Arsch? da femnas. In viva sin biaras letras vida trens, trams e bialas fassadas vedras. Sin fasas precaras cun buns temps e ladas levzas. Sas tgei ti lesses? In viva ch?jeu hai claras spetgas da mias massa letgas. Ed in viva ch?ei ha mintg`onn dapli vaccas bletschas.E dapli pastg per ?fettas? e liungas specialas cigarettas, ch?jeu sai fimar lezzas senza ch?ei mettan mei sut tiara in pèr meters. In viva sin ch?jeu sai adina star leghers e far mes patratgs feghers, che negin scamonda a mi da paterlar senza reglas. E sin biars collegas che fan buc si davos dies fatschas schregas. Semplamein in viva silla veta e sias bialas pedas. Refrain